من كتر خوفى عليك .... بقلم .. رضا أبو الغيط

رضا ابو الغيط

من كتر خوفى عليك
بحضن ف كف ايديك
واسأل عينيك ماتقول
ايه اللى بيا .....وبيك

فبلاش دموع وأهات
ومرار... بيملا كاسات
لسه اللى بينا ما مات
والقلب........ مستنيك
من كتر خوفى تروح
وتروح معاك ...الروح
بضحك وانا المجروح
من ظن رمش عينيك
فبلاش... عتاب وملام
وكلام..... يزيد ف ألام
قلبى اللى عُمره ما نام
وتملى ...نبضه شاريك
من كتر خوفى أنساك
فى...... سكة الأشواك
أنا سيبت قلبى معاك
فى حضن كف ايديك
فبلاش تقول كان ليه
ما صعبش قلبى عليه
د انا قلبى لو تناديه
تلقاه ...يقول شوبيك
*****************
رضا أبو الغيط