بتجامليني ... #بقلمي أبو عبد الله

بتجامليني
والا كلامك ليا بجد
يعني أصدق إنك فعلا بتحبيني
طب على فرض
هاتي دليلك
وانا أرقصلك
وأغنيلك
وابقى في يدك زي العبد
أصل أنا قلبي موسوس حبه
خايف تبقى دي منك لعبة
طب بالعقل
إنتي ماشا الله بدر منور
وانا لا جميل منظر ولا شكل
ولا حتى مفيش غيري ع الأرض
الرجالة أشكال والوان
مال وجمال بزيادة كمان
وانا من دول مفياش ولا حاجة
إسمعيني يابت الناس
إوعي تقولي دا واد غلبان
أنا إنسان
يعني لو انتي بتلعبي بيا
وجاية تسلي الوقت شوية
الدنيادي ليها عنوان
واضح وبيتشاف بالعين
سلف ودين
ودا مش سنه
دا عدل وفرض

#بقلمي
أبو عبد الله

أعجبني

تعليقمشاركة

التعليقات

اكتب تعليقًا...