حصوني شمس مصرية __________ شعر .. إيزيس_غانم

حصوني شمس مصرية
__________________
نسجتك بين خيوط دمي
حفرتك جوه شراييني
نقشتك فوق جدار قلبي
بنقرة ... سن سكيني
وطرت معاك في بطن سماك
على جناحك ... ورمشيني
حبيبي ... ...
قوللي مين قبلك ...
ومين يقدر في يوم بعدك
يكون فارس على حصوني
حصوني ... شمس مصرية
جبالها تلج فوق ميَّة ...
فمين يقدر يا روح قلبي ...
يجرّي العشق ف عروقي .. ؟!
ولو حاصر دماها التلج ...
نيران حبك تدفيني ...
سلام هيه على عروشي ...
تنقي البرد من دمي وتحييني ...
فمين غيرك..
على فرسي يكون فارس ...
ومين غيرك لو نزف جرحي ...
بجرحه الباكي ... يشفيني !!!
ويحضن فيّه أوجاعي ..
يجففلي ... دموع عيني ...
أنا مصريتي ... عشقي ...
زليخة ... ساكنة في سنيني ....
لكني بَعيد زمن نفسي ...
وأشوفك يوسف المعشوق ...
وأنا العاشقة في محرابك ...
وعشقك ... مالي موازيني ...!!
أنا مصرية يا مصري ...
فكون مصري ...
وكونلي تاريخ يصحيني ...
وحسسني ...
بإن حضارة الدنيا ...
نقوش حية على جبيني ...
وإن حضارتك الحاضرة ...
حضارة قلب ...
بعيدة عن ظلام جدي ...
وتحكيمه الفراعوني ..
فخلّي نسيجك العاشق يكون فيضان
يخضّر نيله بساتيني ...
يخضّر نيله بساتيني....
____________________
قصيدة حصونى شمس مصريه
من ديوانى الأول ...
#إيزيس_غانم

أعجبني

تعليق

مشاركة