قصيدة\ النار بتحب عشاقها كامله..
من ديوانى الأول \\ هلع الخوف..
#إيزيس_غانم
..................................
عشان قلبى على الفطره ...
معودتوش...
يخونك ..أو يخون غيرك...
محبّتش إنه يتلون بلون خدّاع ...
ولا إنه يعيش كداب...
ولا هقبل ف يوم إنى يضيع منى ..
ولو حتى ..هكمّل عمرى من غيرك..!!
قلبى..........
وقلبى يا حبيب قلبى ...متعرفهوش..
لأنه من زمن تانى ...
وهاجر ريشهُ لزمانى ....
ولما سكنّى شالنى لفوق...
وعمره ف يوم ماعرانى...
لأنه ...بنبضٌه غطانى...
فشوف قلبى ...وشوف قلبك...
يللى معرفتش تشوف غيرك...
وعشت ف وادى أصنامك..
كأنك نسر متغطى بريش غيرك..
ف فين ريشك...وفين تكوينك العالى ؟؟
وفين خوفك على جناحك...؟؟
رضيت تلبس هدوم نرجس..
وتتنرجس على العصافير ...وتجرحها..
ومش حاسس نزيف الكٌره ف جراحك..
جميل شكلك...جميل إسمك..
لكن ميّت جمال روحك...
ف مين موّت جمالك فيك...؟
وساب ف عينيك بريق لامع...
بريق كداب ..على الرائى وع السامع...
ومن خلف البريق جواك...
زرع ضلمه ف تكوينك...!!
ف عشت بالبريق تعمى عيون حبّاك..
عشان شيفاك من الخارج
ومش قادره تغوص جواك...
وتكشف سحر تلوينك...
لكنى غطست ..جواك وملكت..
بصيرة العارف ...تخطيتك...!!
وشوفت سواقى أفكارك..
لقيت الجنه محروقه..
وبتئن بلهيب نارك...!!
فسامحنى...وتسمح أو ما تسمحشى
لأنى هطير ..واسيب نارك..
وهرجع تانى لمكانى مع العصافير...
فصنّع من رماد نارك
عروسة عشق تعشقها ...
لأنك من جحيم النار ...
والنار ..بتحب عشاقها...!!
..........................................
من ديوانى الأول \\ هلع الخوف..
#إيزيس_غانم
..................................
عشان قلبى على الفطره ...
معودتوش...
يخونك ..أو يخون غيرك...
محبّتش إنه يتلون بلون خدّاع ...
ولا إنه يعيش كداب...
ولا هقبل ف يوم إنى يضيع منى ..
ولو حتى ..هكمّل عمرى من غيرك..!!
قلبى..........
وقلبى يا حبيب قلبى ...متعرفهوش..
لأنه من زمن تانى ...
وهاجر ريشهُ لزمانى ....
ولما سكنّى شالنى لفوق...
وعمره ف يوم ماعرانى...
لأنه ...بنبضٌه غطانى...
فشوف قلبى ...وشوف قلبك...
يللى معرفتش تشوف غيرك...
وعشت ف وادى أصنامك..
كأنك نسر متغطى بريش غيرك..
ف فين ريشك...وفين تكوينك العالى ؟؟
وفين خوفك على جناحك...؟؟
رضيت تلبس هدوم نرجس..
وتتنرجس على العصافير ...وتجرحها..
ومش حاسس نزيف الكٌره ف جراحك..
جميل شكلك...جميل إسمك..
لكن ميّت جمال روحك...
ف مين موّت جمالك فيك...؟
وساب ف عينيك بريق لامع...
بريق كداب ..على الرائى وع السامع...
ومن خلف البريق جواك...
زرع ضلمه ف تكوينك...!!
ف عشت بالبريق تعمى عيون حبّاك..
عشان شيفاك من الخارج
ومش قادره تغوص جواك...
وتكشف سحر تلوينك...
لكنى غطست ..جواك وملكت..
بصيرة العارف ...تخطيتك...!!
وشوفت سواقى أفكارك..
لقيت الجنه محروقه..
وبتئن بلهيب نارك...!!
فسامحنى...وتسمح أو ما تسمحشى
لأنى هطير ..واسيب نارك..
وهرجع تانى لمكانى مع العصافير...
فصنّع من رماد نارك
عروسة عشق تعشقها ...
لأنك من جحيم النار ...
والنار ..بتحب عشاقها...!!
..........................................
ليست هناك تعليقات:
إرسال تعليق