قصيدة طرحة نبيٓة من ديوان هلع الخوف شعر .. إيزيس_غانم

قصيدة طرحة نبيٓة
من ديوان هلع الخوف #إيزيس_غانم
.......................
لما عروش النخلة فيكى إتحركت
وإتحركت جواكى حبات اللقاح
طرحتى تمرك..بس شهده
كان للضباع دم إستباح..!!
لسه نهر الدم جارى...
دم زهرك..اللى فتّح
ف الشوارع والحوارى بالطوفان...
دم أولادك يا مصر ...
اللى واجهم ف العراء
نخاسين سوق النخاسه..
اللى كل تمرك وباعك
واللى خان...!!
اللى قالوا إنت ترحل
لحد ما تم الرحيل...
اللى ماتوا وفوق صدورهم ..
دمهم طاهر جميل...
دم خنّق ف الكنايس
كل أجراس الكنايس
وبكّى كل آدان ...!!
مع إن خلق إبن آدم
كان خلق للحريه وبشرية الإنسان..!!
لاكنّ وسواس البشر ...
زاد ف أرضك وإنتشر...
ف إنتشر.............
شيطان الإنس ..يدبح الحريه..!
يا طيّبه مطّرحه بطرحة نبيّه...
لإمتى جواكى الخرس
ساجن ف رجليكى السبات..!؟
إتحركى ..قومى إشعلى لهيب السكات...
إنزعى توب الألم..يلا اصرخى صحى الموات..!
حنى كعوبك بالأمل ..وإلبسى توب النجاه..
إرفعى صوتك كأنه ...بركان غضب أمره الإله...
يمكن عروشك تتهز تانى بالرياح...
وتهز فيكى من جديد ...
كل حبات اللقاح...!!!

#إصحى #يا #مصر

أعجبنيعرض مزيد من التفاعلات

تعليق