**هذيان مواطن**شعر .. عبدالله ابو النجا

**هذيان مواطن**
زهقت من السياسه *وتعبت من الكلام
اللى يقلل فى عالي * واللى يعلّي ف مقام
واللى يهوّن صعوبه * واللى يصعّب مهام
لقيت حيجينى جلطه * اسأل ربي السلام
قررت اعيش فى حالي * أآكل واشرب وانام
وحقاطغ كل جريده * اوشاشه للإعلام
روحت البيت مفرفش * ضارب الجزمه التمام
قابلتني الست هانم * عارفين يعنى المدام
قالتلي مد ايدك * وجيب معرفش كام
قلتلها جيوبى فاضيه * والحاله مش تمام
مشيها باي حيله * بالحب والوئام
متعكننيش عليّه * خلّينى فى انسجام
قالتلى بلا وكسه * حطبخلك بالغرام
قوم ياموكوس وهاتلى * وسيبك مالاوهام
طلعت جيوبى برّه * بثبت حال انعدام
قالتلى ليه فلوسك * بتطير زى الحمام
قلتلها الدنيا شايطه * والهم فى ازدحام
لا فلوس عادت بتنفع* والعيشا بقت ركام
بصيت فى عيون مراتى * وقريت فيها ملام
رجعت تانى بره * ودار فى دماغى كلام
هروبي من السياسه * يادوب كان فالاحلام
مفيش فايده السياسه * ربطانا بميت حزام
*******
عبدالله ابو النجا

أعجبني

تعليق

مش