........ جبروت الظلمة .................. الشاعر حسن الشوان ..........

........................... جبروت الظلمة ..............
الكراسي لما بتتكسر
متعرفش ميين عليها
ولا بتندم ولابتتحسر
ولا ترحم اللي فوقيها
بس بتحس وبتشعر
باللي يجري حواليها
وما بتندمش ع عمر
مكرمش يوم رجليها
والدنيا بتجري وتمر
وبتبص في عينيها
والغافل ناسي الذكر
والبروج مبتحميش ساكنيها
والإنسان عنده صفر
لا ليه قيمه ولا يساويها
صدقوني دنيا الواقع مر
ولا حد حاسس بمعانيها
في أيات وقصص وعبر
إتهدمت علي إللي بانيها
واه واه من يوم الحشر
والرعشة متعرفش اللي ليها
لا جاه ولا سلطه ولا نفر
ح يهرب من دعوة بمقاسيها
واه واه من دعوة المظلوم
ومن قلب محسش بيها
ويوم الحساب يوم محتوم
لا يعرف حاكم ولا محكوم
ولا جبروت الظلمه بحواريها

.................................................
........... الشاعر حسن الشوان ..........

أعجبني

تعليق

مشاركة