((عداله،،،عونطه))
////////////////////////////////////////////////////////
يللي بيسرق رغيف الخبز
هادا ضروري إلو الشنق
وبعد الشنق وع لسانو يكز
جثتو اكيد لازمها الحرق
وويلو القلبو عليه يرق
مجرم بسفلو خازوق يندق
((هي عدالتنا وهيك الحق))
////////////////////////////////////////////////////////
واللي بينهب كل الكون
هادا بعرف الناس شريف
بضلو ع طول بالعز والصون
بقولوا عنو عفيف ونضيف
يصير حكاية التلفزيون
ياامة الله رايح اطق
((لعبه وفيها باط الدق))
////////////////////////////////////////////////////////
فينك ياابن الخطاب
تجينا ياسيدي تقيم العدل
المظلوم بفضلك ينال ثواب
والحجه تقيما على كل ندل
على شريعتنا نعق غراب
وبسفل العدل اسفين اندق
((ايمتى فجر جديد ينشق))
/////////////////////////////////////////////////////////
ومانبقى ف بحر الذل نعوم
ونبطل نفتي حرامنا حلال
وندعي للقهر مايبقى غيوم
وفقر وجوع يروحوا لزوال
والسفله يللي بخمس نجوم
يرتد كيدن لأبشع حال
((ويمحي عتم حياتنا برق))
//////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق