اللهم صل على سيدنا النبي طه حبيب رُوحي
ذكره شِفا جروحي
فوحي يا ورود فوحي
رُوحي .. للنبي رُوحي
و إتمَلِي من رؤياه
حُبّه سري في دمي
ذكره يزيل همي
ولا أخويا و لا عمى
ولا أبويا ولا أمي
بقدر رسول الله
بروحي وبدمي
افدي النبى الأمي
ولا عربي ولا عجمي
بعلم النبى الأمي
الجامع رسول الله
جاء بالقرآن
بالنصح والبرهان
بالصفح والغفران
يعلم الإنسان
يهدي عباد الله
معلم الأمه
قائد الأمه
هادى الأمه
شافع الأمه
هو رسول الله
كل الحنان عَنده
كل الرضا مده
والعاشقين جُنده
ثابتين علي عهده
عهد رسول الله
مين زيه مين قده
و الوَرد من خده
سمع الحصى بيده
حتي القمر وِدّه
يمدح رسول الله
الوجه بدر تمام
احتارت الأقلام
ومعاهم الأعلام
دا الواصفون اقزام
لقدر رسول الله
عايشين علي مداده
ما كلنا ولاده
يا بخت من عاده
وزادنا من زاده
من زاد رسول الله
زادنا .. و زودنا
بيت الكرم زادنا
ورثينه عن سيدنا
سيدنا .. و بِيه سودنا
علي كل خلق الله
يا بدر يا مدور
نوٓر لينا نوَّر
نور كمان نور
سبحانَ مَن صوَّر
حسْن رسول الله
نبينا نور علي نور
زي القمر بيدور
يومنا فرح وسرور
إدعوا يارب نزور
سيدنا رسول الله
ولا غش ولا بأشييش
على القلوب تفتييش
مين ضامن أنه يعيش
عيش بروحك عييش
مع رسول الله
ياما هناك دراويش
راضيين بلقمة عيش
كفايه القديد والخيش
أنا نفسي اروح وماجيش
عند رسول الله
ياما المبدعين قالوا
عن حسنه و جماله
وجلاله و كماله
كل الجمال منواله
من نور رسول الله
وصانا على أمنا
هى الجنة لنا
شايلة من همنا
نرويها من دمنا
وصية رسول الله
وصاني على جاري
فى عمرنا الجارى
فى خيرنا الساري
فى يومنا الحالى
تطبيق لشرع الله
وصٓانا علي الأيتام
بكلام ما بعده كلام
فمن أسعد الأيتام
في جنة العلام
بصحبة رسول الله
قال إدعوا للمحروم
تنفع في يوم معلوم
خوّفنا م المظلوم
دا لكل ظالم يوم
يندم علي بلواه
كل الحنان كله
الورد مع فله
عند النبي كله
وصِّي الحبيب قله
يشفع لعبد الله
جاله الجمل شاكي
جاله الغزال حاكي
والجذع كمان باكي
والضرع باللبن زاكي
حب في رسول الله
رابط هِنا عَندُه
في الروضه مع وَردُه
واشرب كاسات وِده
كل المحبين عنده
مع كل اهل الله
اسيادنا شربوها
من يومها عشقوها
وليلاتي يسقوها
والقدر يشفوها
إذا اخلصوا لله
أصل المدد نظرة
نظرة يا با نظرة
من صاحب الحضرة
لو دقتها مرة
تعشق رسول الله
والعاشقين عاموا
في بحر انعامه
والحاضرين هاموا
طول عمري خدامه
بمدح رسول الله
يا معشر العشاق
الكل له مشتاق
حب النبي ترياق
كل داء له دواء
دواه رسول الله
القلب رَق و راق
شرب المحبة و داق
داق السعادة وفاق
من سكرة الأشواق
حب ف رسول الله
عاشق وِ جي مجروح
روح يا مبتلى رووح
لطه حبيب الروح
رجع الجريح منفوح
ببركه رسول الله
مذنب .. و كان مغلوب
خايف .. ما كله ذنوب
سِمِع النِدا : مطلوب
مطلوب هنا و محبوب
يمدح رسول الله
هُو النبي .. هُوَّ
هو الشفيع .. هو
ده حبيبنا من جُوَّه
في الكون مفيش قِوة
تِحجِبْ رسولَ الله
سيدنا النبي حِنين
سهل كده و لَين
بيِّن يا (زين) بيِّن
هو اللي بيعيين
أحباب رسول الله
إمتى أشوف عِيدي
يجمعني مع سِيدي
طه النبي. .. سيدي
و احضن ايديه بإيدي
و ليلاتي أحيا معاه
جميله صلاةِ الزين
على كَحيلِ العين
مين في جماله مين
مِيلادُه يوم الاتنين
مَولِد رسولِ الله
صلوا يا حاضرين
وأنتم يا عاشقين
مين زينا مين
في الساحة متجمعين
نمدح رسول الله
صلوا بينا على طه
طب القلوب وضياها
وعافية الأبدان وشفاها
و شهد الدنيا و حلاها
هو رسول الله
صلوا على الكامل الأكمل
يا غافل عن ذكره تأمل
من هول الوحي تزمل
وتدثر بخديجه الاشمل
هي حصن رسول الله
صلوا علي طه الأسعد
بصلاة نرقى و نصعد
و الكل بصلاة يسعد
والحضرة بأنواره تسعد
تسعد برسول الله
كلمات :
أسامة محمد زكي
مجاهد السعيد
ليست هناك تعليقات:
إرسال تعليق