معاني الحب 
الحب ما لوش معنى واحد
له كتير من المعاني
كل شخص شايفه من نظره هو
وكل الحبايب منه تعاني
فيه ناس تحب لغه العيون
يحبها من عينيها و ذى ما تكون
نظره عينيها تخلي قلبه
في حاله جنون
وناس تحب من كلمه حلوه
او صوت نواعم طالع يلحن
بنغمه هاديه كأنه غنوه
وناس تحب قال من الرسايل
يعشقها من خلف الستاير
عامل فيها حبيب وداير
ويرجع يقول انا بختى مايل
لا شافها ولا شافته
وقال عشيقها وعشقته
وفيه واحد عبيط
حمار ونقصه بردعه
من صغره يحب المرقعه
لا له دعوه بكلامها
ولا نظره عينيها
يحبها من لمسه ايديها
وبعد الجواز
تطلع عينيه ويطلع عينيها
وبعد ما كانوا يدلعوا ويتهشتكوا
يروحوا المحاكم يشتكوا
وتضيع حياتهم بين المحاكم والجلسات
ويقول عليها قصص وروايات
على انه مظلوم طول اللي فات
ما تقول يا ظالم
كانت ايديها مريحاك
ولا انت نسيت الذكريات
وخداك الشهامه والمجدعه
لو انت ناسي
اروح اجيب البردعه
شكلك حنيت خلاص للمرقعه
ما تسيبش الحلوه معلقه
رجعها تاني
لسه ايديك من الحب مولعه
الشاعر/ عامر عبده عامر مصر
ليست هناك تعليقات:
إرسال تعليق