( ضريبة الطيبة )
كل شئ في الدنيا لازم
يبقى لُه فعلاً ضريبة
حتى لو كان حُسن نية
ولّا كانت حتى طيبة
إتعاملت بنية صافية
ويا ناس طلعوا وحوش
ف الأكيد ما كانتش كافية
بيها أفهم في الوشوش
كان ضروري أدفع ضريبتي
من سذاجتي ومن طيابتي
وإتضحلي الطيبة فعلاً
في الزمان ده أكبرها عيبة
كل شيء في الدنيا لازم
يبقى لُه فعلاً ضريبة
كنت عايش عندي مبدأ
إن كل الخلق سالكة
عِشت ليهم أجري وأسبق
بإعتبار إنهم ملايكة
بعد فترة من التعامل
إكتشفت بإني جاهل
وإني كنت أكبر مغفّل
في إختياري كنت فاشل
كان ضروري أدفع ضريبتي
من سذاجتي ومن طيابتي
وإتضحلي الطيبة فعلاً
في الزمان ده أكبرها عيبة
كل شيء في الدنيا لازم
يبقى لُه فعلاً ضريبة
بقلم ... عبدالحميد وهبه
ليست هناك تعليقات:
إرسال تعليق