يالى فيك الفكر سارح
$$$$$$$$$$$$
يالى فيك الفكر سارح
يالى شجرك كله طارح
لو فى قلبك ليا مطرح
أنت ليك كل المطارح
يالى سيرتك أحلى سيره
يالى عمرك كان مسيره
تتحكى بدموع عنيا
عشتها حرمان وحيره
لو حكيت وكتبت عنها
تتعمل حكايات مثيره
عشت طول عمرك لغيرك
كله كان عايش في خيرك
أنت شلت الهم وحدك
بس كان مرتاح ضميرك
أنت ضاع عمرك وراضى
واتظلمت معاك وعادى
قلت مش هاهرب أضحى
عشت بس عشان ولادى
وانتهى الصبر الجميل
بعد مشوارنا الطويل
كنت فاكر حد زيك؟
ولاهيردوا الجميل؟
دالطمع فى القلب عشش
لو عملت المستحيل
مش هطول فى الكلام
منى ولروحك سلام
بقلم .. هيام الشهاوى
ليست هناك تعليقات:
إرسال تعليق