______(حروف القمر )__ ================
أنا القمر إلي كان طالع
أنا الوقت الي عدى وفات
أنا القلب الي كان سامع
أنين الحب والصرخات
انا الواد الي كان واقع
وداب ف العشق والحكيات
انا اليي اترصو علي صدري
وكانو بيطبعو السلامات
انا اليي كتير عشقوني
وكتر الحب قلبي مات
وجيتي انتي خطفتيني
وبحروفك رسمتيني
وصفتيني قسمتيني
وفصصتي فيا ميت حته
وف الأخر٠٠٠٠٠٠ غلبتيني
وكنت بقول مفيش زيي
مفيش قدي ولا شبهي
وقلمي م الحروف مليان
وقفت بليد قدامك
يادوب خربشتي كام كلمه
علي حرفين
قولي ٠٠سطرين
وصفتيني قسمتيني
وفصصتي فيا ميت حته
وغلبتيني٠
أتاري قلمي طلع فاضي
ومش مليان
بقيت عيان لاء عريان
بقيت مكسوف
أتاري قلمي كان مقصوف
وبكتب عشق ف الغريمات
كلام فاضي ومش بيبان
وكنت بقول مفيش زيي
مفيش قدي
وشيل قلمي وقول مليان
رجعت بقول مفيش زيك
مفيش قدك ولا شبهك
عيناكي خلو قلبي جبان
وقلمك خلي جرحي يبان
رجعت أحبي من تاني
ولملم م الحروف كلمه
حروف صامته ومش بتبان
وشيل الحرف بإديا
ادلع فيه وهنن فيه
وحوطه ف جمله
يتاوه ونا بداريه
حروفك إنتي ليه صاحين
ومش شبهي لاكن شكلي
تمليي بيوصفو الدايبين
حروفي كلب م الشارع
حروفك كلب بس لولو
حروفي بتوصف الواقع
حروفك ف القمر وصفوه
حروفي تحسي فجعانه
حروفك انتي شبعانه
حروفي بتوصف العضمه
حروفك انتي وكله جاتوه
ف ايداكي الفسيخ شربات
ف إديا الندم عملوه
لا عمرك كنتي يوم شكلي
ولا زيي ف الغرام ظلموه
سبيني ف الحب اتندم
وهنسي ف لي يوم حبوه
احمد شمتان
ليست هناك تعليقات:
إرسال تعليق