ح تداري عني الأشواق
وفراقك مش أي فراق
دا حيطان البيت والأوراق
راح تسأل وتقول حواء
كات سبب الغيرة إللى أنا فيها
وحكاوي ليالي وغناويها
وح أقولك روح اجري عليها
ح نشوف الآخر مين ليها
مين صادق مين اللي حاميها
دى حيطان البيت وأنت شاريها
ح تفوت الدار وتخليها
وتكون البايع والسارق
لأيام خافت إني أحكيها
وأقولك ليه أبكي عليها
كان فيها أيام كنت تجيني
وتقولي حبيبتي نور عيني
اوهب لك عمري ياحياتي
وتكوني الحاضر والآتي
وأكون البادي فى حكاياتي
دا نجوم السما أنت ماليها
وكلامك حلو محليها
والآخر تمشي في خطاويها
وتفتني ولا غيرك ليه
محتاجة الدفا والحنية
دى الكلمة الحلوة تهنيني
لجناح الشوق ح توديني
وأقول لك حاضر يا حبيبي
دى النظرة منك تحييني
وتكون الغطا وتدفيني
ح تداري عني الاشواق
دا فراقك مش أي فراق
# بتول العتربي#
ليست هناك تعليقات:
إرسال تعليق