مولد الحبيب
-------------------
يوم ماهل علينا رسولنا
كل شئ في الدنيا اتبدٌل
مع الحبيب محمد نولنا
شفاعه عظيمه وحالنا اتعدٌل..…
شق ظلام الكون بميلاده
قالوا الخلق جه في ميعاده
آمن بيه مظلوم وفقير
واي فعل جهل اباده
كان قبليه افعال جاهليه
ميسر خمر ووأد بنات...
سوق للرق وللعبوديه
كله اتحطم زمنه وفات
.لما جه ابرهه بافياله
يهدم بيت الله الكعبه
بعتوا لجد محمد جاله
واجه وحده الهجمه الصعبه
شوفت طيور بتقتل فيل ؟؟
الا ف عهد نبينا الغالي؟؟
دي جنود ربك من ابابيل
مع جبار مغرور متعالي
هل معاها هلال الفجر
فجر ميلاد نبي الرحمه
ويا ميلاده لان الصخر
وقلوب هديت بعد الزحمه
ذكٌروا اولادكم بنبينا
واحكوا لهم عن اخلاقه
عرفوهم فضله. علينا
واسقوهم من ترياقه
مش حلاوه ولعب عيال
ونقول عنه ده الاحتفال
عمر نبينا مايرضى بيه
غير بكلام طيب يتقال…
-------------
بقلم/ رمضان عبد الله احمد
ليست هناك تعليقات:
إرسال تعليق