حلاوة المصرى !
المصرى لمَّـا تمر عليه ....... ترمى السلام بيرد عليك
ويروح منزل لك رجليه ....... ويقول تعالى ومد ايديك
..........................
وتعاشره يفتح لك قلبه ......... ويطلع الغالى عشانك
ويعتــــذر لمَّــا تعاتبــه ......... ويسد لو غبت مكانك
...........................
تلقاه ف ضهرك مهما تكون ...... ويبقــى ظلك لــو حبــك
والعِشْرة مش ممكن هتهون ...... أعماله راح تسعد قلبك
............................
ويدخلك قلبـه وبيته .......... ويجعلـــــــك زى اولاده
ولو جاملته ووديته .......... يوصى بيك حتى احفاده
...............................
فى الشدة تلقاه قدامك ........... ويجرى لما يروح الخوف
ويلخبط الدنيا عشانك ........... وينجـدك لـو يـوم ملهـوف !
................................
وعنده صبر على ظروفه ......... راضى بقليله وحنين
لكـــن تهينــه هتشوفـــه ......... يثور ويغضب ويبين
...............................
فى الفَرْح تلقاه يفرحلك ........... والحزن تلقاه جاى يواسيك
ويخــدمك انــت وأهلـك ....... على قــد ماهتــديــه يـديـــك
...................................
المصرى لو حد بيرعاه ............ تلقــــاه مثالــــى ومتفــــوق
زويل وشُفت الباز وياه ............محفوظ وشوقى كتير يسبق
....................................
والمصرى تلقاه فرد بسيط ....... لكنه صعب الضحك عليه
تلقاه كمان فهلوى وحويط ....... ويــدى عينـه لكن بايديه
...................................
تلقاه تمللى خفيف الظـــــل ......ويضحكك لوعلى حالــــــــــه
ومهما مالـه يروح ويقـــــل ........ دايمــا تكالــــه راس مالــه
.....................................
أنا عارف إن الناس هتقول .......... جاملـت وعيـوبـه ساترهــا
أنـا كنـت بمـدح بالمعقــول ........... وعيوبه بعدين راح أقولها
حسن رمضان ـ كبير باحثين بالوعظ بالأزهر الشريف
الثلاثاء 19/9/2017
المصرى لمَّـا تمر عليه ....... ترمى السلام بيرد عليك
ويروح منزل لك رجليه ....... ويقول تعالى ومد ايديك
..........................
وتعاشره يفتح لك قلبه ......... ويطلع الغالى عشانك
ويعتــــذر لمَّــا تعاتبــه ......... ويسد لو غبت مكانك
...........................
تلقاه ف ضهرك مهما تكون ...... ويبقــى ظلك لــو حبــك
والعِشْرة مش ممكن هتهون ...... أعماله راح تسعد قلبك
............................
ويدخلك قلبـه وبيته .......... ويجعلـــــــك زى اولاده
ولو جاملته ووديته .......... يوصى بيك حتى احفاده
...............................
فى الشدة تلقاه قدامك ........... ويجرى لما يروح الخوف
ويلخبط الدنيا عشانك ........... وينجـدك لـو يـوم ملهـوف !
................................
وعنده صبر على ظروفه ......... راضى بقليله وحنين
لكـــن تهينــه هتشوفـــه ......... يثور ويغضب ويبين
...............................
فى الفَرْح تلقاه يفرحلك ........... والحزن تلقاه جاى يواسيك
ويخــدمك انــت وأهلـك ....... على قــد ماهتــديــه يـديـــك
...................................
المصرى لو حد بيرعاه ............ تلقــــاه مثالــــى ومتفــــوق
زويل وشُفت الباز وياه ............محفوظ وشوقى كتير يسبق
....................................
والمصرى تلقاه فرد بسيط ....... لكنه صعب الضحك عليه
تلقاه كمان فهلوى وحويط ....... ويــدى عينـه لكن بايديه
...................................
تلقاه تمللى خفيف الظـــــل ......ويضحكك لوعلى حالــــــــــه
ومهما مالـه يروح ويقـــــل ........ دايمــا تكالــــه راس مالــه
.....................................
أنا عارف إن الناس هتقول .......... جاملـت وعيـوبـه ساترهــا
أنـا كنـت بمـدح بالمعقــول ........... وعيوبه بعدين راح أقولها
حسن رمضان ـ كبير باحثين بالوعظ بالأزهر الشريف
الثلاثاء 19/9/2017
ليست هناك تعليقات:
إرسال تعليق