عيد جوازنا
النهارده عيد جوازنا
يللا نحتفل
يللا قومى نحتفل
النهاردا عيد جوازنا
عيد.....ايه.....جوازنا
قول سوااااااااااادنا
يوم هبابنا
يوم ماجيتنا تدق بابنا
كنت لاقيه !
دانا جالى شيوخ بمادنا
إللى ظابط والمهندس
وأقلهم كان المدرس
وألا بايره !
أنا كنت وخداك بنت كام
أنا إللى كنت شويه فايره
وألا رغى والسلام
يللا بقى. ......الله يسامحهم
لما يومها قلت لأه
حطولى فى بقى اللجام
قلت راجل والسلام
بس ماطلعتش تمام
خدت منك إيه ياحسره
إلا خانقه يادوب وعسره
غير إهانه وبهدله
وأمر عشره
قلعتلك
حلقى وغاويشى
وبأكلك بأديا محشى
وأقل حاجه تقولى إمشى
قلبك إسود
إشمعنى دا إللى فاكراه
إنتى ناسيه
ناسيه أيه
ناسيه أول بوسه لما بوستهالك
إلا ناسيه
أيوه لازم أفتكرها
إنت كنت بوست غيرها
ولا لما قلتلك فى يوم بحبك
كات فاشوش. ......من بره قلبك
هو دا آخر كلامك
سيبتهالك
خد هاقولك
إنت دغرى بتتقمص
تاخد فى خاطرك
طب خلاص
آنا عندى........ أعز منك
وللا ليا. .......أغلى منك
بس غيرشى...... بتبقى تتائل
شويه
بابقى تعبانه..... تناغشنى
واما اقولك نام. ....تحوشنى
واما جيت جنبك...... كارشنى
ذى باعضه
يلا بينا نحتفل
بعيد نكدنااااا
مرسى الذكى. مصر
ليست هناك تعليقات:
إرسال تعليق