.jpg)
صبرت على الصبر
والصبر ما صبر عليا
وقولت يمكن الدنيا
تحن وترضى عني
لما الدموع جرحت عنية
ليه يا دنيا خدعتني وفهمتيني
إن الفرح فيكي كتير
لقيته عايز له واسطة
والكل مستني دوره
وكمان يمكن ميجيش
خلاص براحه عليا بشويش
قلبي إتهد
من كتر حبي لكل حد
مقدرنيش
نفسي أحب وأتحب
نفسي ألاقي قلب
ميجرحنيش
معدش في العمر بقية
بقيت من الدراويش
بالله عليكي سبيني أفرح
سبيني أعيش
غيرتي ملامحي حتى مرايتي
معرفتنيش
هفضل معاكي على أمل
رضيتي عني أو مرضتيش
بقلمي
زينب الرفاعي
ليست هناك تعليقات:
إرسال تعليق