لك الله يامصرى
يا مصر يام الهرم
يام الكرم والجود
شعبك يا مصر إتصرم
صابه الهِرم مهدود
نجيبه ونبخره
باين عليه محسود
طب لو لقينا البخور
مش راح نلاقى العود
المش راح وإتنسى
ولا حتى لاقيين دود
والضل فوق الخدود
متكحلابه العين
والطفل ظهره إتحنى
والأب شله الدين
نسينا طعم المرق
ولا حتى فى مواعين
ومرقعين الخلأ
وفى ظلهم نايمين
وإللى عليه دين
لاينام فيوم له جسد
ولا بتغفل عين
وفاتورة الكهربا
خلتنا مش شايفين
والميه فيها الوبا
مترصعه بالدود
وإللى شافوه الجدود
بتوريهلنا إتنين
مرسى الذكى. مصر
ليست هناك تعليقات:
إرسال تعليق