دفتر أحوال ................قلمي م . حمدي توفيق

 

دفتر أحوال

................

محتاجه لأيه النفسية

غير ناس بتراعي حرمة ناس

محتاجه لعقل يكون واعي

ويكون حساس

محتاجه يكون ثقة متبادلة

ويكون إخلاص

.....

محتاجه هدوء وراحة بال

وناس بتقدر الأحوال

محتاجه صحوة لضمير رايق

وميكونش مابينا فية محتال

.....

محتاجه لحبة حنيه

وخروجة وفسحة بعربية

محتاجه بجد إن إحنا نعود

لطبيعة السُنة الكونية

.....

محتاجه لأيه .. النفسية

محتاجه نبطل حوارات

ونفَضَل .. الخير لبلدنا

ونِبِعد كدا عن حُب الذات

.....

محتاجه نشاط .. وحيوية

وصراحه قاعدة رومانسية

محتاجه تشوفلك صاحب جَد

يتعامل بطريقة طبيعية

.....

محتاجه مُصالحة مع ذاتنا

محتاجه نفوق من غفوتنا

وتشريع الدين يبقى طريقنا

وبالعلم كمان نبني ... حياتنا

.....

قلمي

م . حمدي توفيق