من مدرستى الواقع يغنى
يا هاجر
ياهاجر عشك وناسى
قتلت فيا إحساسى
بعد إيه عايز ترجع
خليك كدة ناسى
بقا ليا وليف تانى
عايش معايا أحلامى
هوا دنيتى وغرامى
بشتكيه منك من أسوة ماجرالى
دايما مصبرنى ويقولى إيه يعنى
أنا مش كفاية عليك بسعد أيامك
هوا نفس صورتك بس أكيد مش طابعك
معايا سنة كاملة عايش أحلامى
خلاص خت عليه وعرفت بتقول إيه
عايش سنة كاملة بتلومى عليا ليه
هيا نفس الصورة اللى عرفتك عليها
أول ماشفت عنيكى وقلبى دق ليكى
لسة عابشة فى خيالى وهيا ملكة أحلامى.... أما إنتى نسيتى حبى
وجرحتى كتير قلبى من هجرك ليه
أنا مبقتشى شاريكى بعد مانسيتى
هجرتى عشك ليه....سؤال بساله لنفسى
ودايما مش لاقى إجابة ليه..؟؟؟؟؟
خليكى كدة ناسية الرجوع مش عافية
دا إحساس كبير متقدريش عليه
أنا فرحان بصورتك عايش فيها أحلامى
وبتمتع بغرامى كل يوم فى منامى
ميهمنيش جسمك هعمل بيه إيه
أنا معايا روحك طيفك وخيالك
اللى لسة عاشق ليهم
خليك كدة ناسى ياقاتل إحساسى
أنا مش هلوم عليك....
بقلمي الصياد محمد 
ليست هناك تعليقات:
إرسال تعليق