بعلى صوتى يمكن الغلطان يحس
واجيب كلام من بين كلام وارصه فى الوجدان وارص
وأسيب إيديه تستغيث مش كيفى أن العين تبص
الحزن لامم وحدتى ولسه عشمانه فى فرح
مقهوره لسه ضحكتى ومفيش غناوى بتطرح
احب مين لما السجين كان هو طلة الفرج
مشفش غير حيتان فى نهر. نهار ماماتو من الهرج
ومركب الاعمار بتجدف سلالمها عرجه من الدرج
مش حبتين عطشانه ممكن من زمان يتبل ريقى
معدش حد فى الزمان ده يتقال داصاحب
ولا حتى يوم حيكون له مره يكون صديقى
جوايا هم بيتعجن وبيتفرد على قد ضيقى
مخلوط بوجع الحيرانيين إلسهرانيين ماشين طريقى
لسا.ها لسه بتتحسب بمين نجح ومين رسب بتتحسب بريحة القصب
طعم اتغصب بلذة المحرومين إلى استخسروا واعلنوا . دامعدش ليكى
كلمات الشاعرة عزه حسن
ليست هناك تعليقات:
إرسال تعليق