سألوني تزعل على مين في دنيتك؟
رديت وقلت:
أزعل على الأصيل
لو يوم الحياة قالتله لأ
وأزعل عليه قوي
لو كسرته، وذلته، وحرمته
واستسلم ليها.. وقال لحلمه لأ
تشيل قلوب من بعضها
وتشوف مشاكل مَ لهاش حَلْ
ومهما زاد حملها
هيفضل صخر قدها
ونجمه عالي في السما
وكعبه عالي على الخلق
صدقني يا صاحبي برافو عليك
مثّلت الدور.. خليتني عبيط!
والعيش والملح ده كان تثبيت
وبسببك ياما بكيت وعانيت
دا أنا ياما عشانك ياما ضحيت
أنا بس يا صاحبي اللي مزعلني
إن أنا ياااااما وقفت وراك صليت!
طب هُنت عليك؟
طب فاكر لما كنت مريض؟
مين زارك غيري وجالك البيت؟
معقولة يا صاحبي في لحظة نسيت؟
بس أنا مش ناسي العيش والملح
أصلي أنا متربي.. ومش من طبعي الجرح
أنا بس يا صاحبي اللي مزعلني..
اللقمة يوم ما رميتها لكلب طمرت فيه..
وفضل مصاحبني لحد ما مات!
طمرت فيه اللقمة يا صاحبي..
وإنت فرحت.. يوم ما قالولك صاحبك مات!
برافو عليك: 
رامي الحديدي
ليست هناك تعليقات:
إرسال تعليق