(وين العدل وليش الجفا)
صرنا بزمان قَلْ فيه الوفى
ولا العدل عم يصدِرْ الأحكام
وسرق منا الحلم وما إكتفى
وأغلب الناس ربيت عالحرام
والحب من بين الناس إختفى
وزاد الفساد وزادوا معوا الظُلام
والصداقة ما عاد فيها صفا
وإنتشرت عنا الخيانة والإجرام
ولا العيلة بعد في عندها الدفى
وأجيال عايشة عالكذب والأحلام
وإختفى العلم والكتاب عنا إنتفى
والناس مشغولة عالتواصل والأفلام
وللقراءة وللكتابة صار عنا جفى
وما عاد فيه جرايد ولا أقلام
وما عاد بمجتمعنا موجود العفا
وكتار رجعوا ليعبدوا الأصنام
وقلال يلي للحق إقتفى
ن كان مسيحي أو من الإسلام
والجار لعند الجار ما عاد لفى
والشهور عم بتمُر متل أيام
ولا عاد الدوا ينفع للشِفى
وشباب اليوم ما عليها الملام
وأفكار صعب إنو تنظِفا
وشعوب تعودت على الجوع والآلآم
وبالمال بتشتري الناس وموقِفا
وعالفقر عايشة الشعوب أقوام
والحقيقة كلنا صرنا نعرفا
وعم ينظلم فيها الناس الكرام
وليش ما بنقول للسياسي كفى
وممنوع تتعامل مع الخارج بالخفى
والبريء بينحكم سجن أو إعدام؟؟!!
إسحاق قشاقش
ليست هناك تعليقات:
إرسال تعليق