مطلوب عروس
عايز عروسه كويسه
لا تقول عايزه وهات
في البرد زي اللحاف
بيوم اللظى سلامات
وتلبس ثياب القناعة
لون الحياه كاروهات
والجود من الموجود
لو حتى يبقى فتات
وإن أصابني صداع
تلاحقني بالكمادات
تسمعني مره واحده
وبدون كتير تفاهات
لا تروح نادي حريم
ولا غاويه صالونات
بودان ملكيه خاصه
بعيدا عن الحموات
وجارتنا تفضل بعيد
بحدودها للمسافات
لو حد عنده عروس
بسيطة دي الطلبات
يخبرني فين أرضها
لأزورها مع الوردات
بقلم٠
محمد عطاالله عطا ٠ مصر
ليست هناك تعليقات:
إرسال تعليق