بشكل ودي
...............
خلي بالك من كلامي
وخدها متبصش ورايا
كل حرف عندي ليك
ورا منه الف حكايه
خدها مني بشكل ودي
في الحياة لازم تهدي
مرة عندك مرة عندي
أصل هتقابل كتير
يعنى لما تلاقى غش
ناس كتيره بألف وش
ابتسم ومتندهش
الحياة دى سوق كبير
واما تلقى ان الخيانه
دى شطاره مش اهانه
والنفوس صبحت جبانه
اوعى تسأل ع الضمير
بس مهما الدنيا قالت
زى مانت نضيف وسالك
خد بإيد الناس كذلك
انت طيب انت غير
أنا كدا قولت اللي عندي
قولتة كله بشكل ودي
جنبي لازم تبقى واقف
** متكونش ...ضدي**
*****
قلم
م. حمدي توفيق
ليست هناك تعليقات:
إرسال تعليق