فيها غولوحدي. سهرانة وعقلي
وحده شارد ف الغيوم
ليه بقينا فجأة.. كتلة
باردة مليانة بسموم
***
ليه وصلنا لبر . دامي
فيه جرايم.فيه خضوع؟
كل يوم بمصيبة نصحى
طايحة فينا وفى الجموع
***
اش تحرش ! .جدة تقتل
للحفيد من غير دموع!!
واغتصاب والصورة تكمل
ويا تصوير ع الشموع!
***
إيه جرى لنا؟ ياشعب آمن؟
ليه نسلم للمنون؟
ليه بقينا بنجري دايما
ويا شيطانا بجنون؟
***
فين صلاتنا وفين تُقانا
أين تعاليم الرسول؟
والهُدى فايت دروبنا..
والقلوب بقى فيها غول!
***
والولاد.. ربياتها ضاعت
والحقوق بدراع تعود
زي ما نكون اتخلقنا
والتفاهم صوت بارود
***
مافي حد بينهي منكر
والضمير مات! كفنوه!
حتى بسمات الطفولة
والنقاء بيودعوه
***
الجميل.. بقى كله قلة
خايفة أقول الجور جابوه
جوه دارنا. وبين حشانا
حبة..حبة. بيحشروه!
***
عايزة اقول للكل فوقوا
قبل يومكم والنشور
صلحوا وابنوا. وهدوا
وكر بوم.. من أجل نور
***
بقلمي/ صفاء الخواجة 
ليست هناك تعليقات:
إرسال تعليق