الزجال حج هلال
قصص الانبياء
لبيك اللهم لبيك
....................
أهل الصبر
يوسف كان من أهل الصبر
أرسله ربه أنقذ مصر
ويا أخوه عاد حضن أبوه
يعقوب قدوة لأهل الصبر
وقصة صبر أيوب قصة
وكان له أموال وأسرة
أولاد سبعة وبنات سبعة
وله أحباب وأصحاب كثرة
زوجته بنت النبي يعقوب
وأخت يوسف والأسباط
زوجها نبي وابنها نبي
وصبرت مع أيوب سنوات
محبوب من ربه ومن أهله
وكريم يكرم لجميع قومه
لكن حقد الناس حسدوه
حسدوا المال والجسد وولده
أول فتنة راح المال
و أشد فتنة موت لعيال
و بلاء بالأمراض والداء
وكل حبيب وصاحب زال
واللي صبرت بس الزوجة
راحت تعمل لاجل العوذة
وخوف العدوى الناس طردوها
وشعر راسها جديلة خدوها
قالت مرة يا أيوب
إنت عند الله محبوب
إدعي ربك يشفي بدنك
و النعمة ترجع واتعود
رد وسألها كام عيشين
في نعيم قالت تمنيين
قال ازاي نشكي ياعظيم
وابتلائنا لسه قليل
وراح يسبح رب جليل
مسني ضر وجسدي عليل
صابر وصابره الزوجه معاه
جاله الأمر بغسل جميل
صبر جميل وربه جزاه
وعوض صبر الزوجه معاه
من عليه برضاه وشفاه
أهل ومال أضعاف وياه
رمز الصبر النبي أيوب
كان نبي صابر عالمكتوب
ونتعلم من صبر الزوجة
حب الزوج لله مطلوب
نعم الزوجة أبوها يعقوب
وأخوها يوسف حب لايوصف
والأسباط أهل التوبات
وإبنها نبي مرسل محبوب
ذوالكفل إبن أيوب
كان نبي صالح نعم الإبن
وليه كان إسمه ب ذالكفل
لما مات أيوب يتكفل
يبقى خليفه لابوه ويعمل
وينشر دين الله بالفعل
ويقضي بين الناس بالعدل
١٠٠ مره يصلي في اليوم
وكان لله صوام قوام
وبين الناس طيب محبوب
ذوالكفل خليفة أيوب
أهل الصبر
.............................
أهل غزة يا أهل الصبر
ربنا يكتب ليكوا النصر
والأقصى يرجع متحرر
ونرفع راية الله اكبر
قصص الانبياء
مع الزجال حج هلال
ليست هناك تعليقات:
إرسال تعليق