الإيد اللي اتمدت ليا
وسلمت اوام ليها
بروحي
دلوقتي بتتمد عليا
وتسيب علامات تخنق
روحي
..
في مرايتي ببص
وبتحسر
ع الحب اللي معاه
اتكسر
دا بيضرب ويجَرَّح فيا
لو لقي وشي ف وشه
مكشر
..
دنا ياما ياناس
استحملت
ومن همه وحزنه كتير
شيلت
دلوقتي خلاص اتعلمت
والوضع دا لازم
يتغير
..
انا ع حقي
خلاص مش هسكت
وكرامتي لابد هترجعلي
ولأخلاقه كمان
هظبط
لحد ماييجي يدمعلي
..
بقلم
ليست هناك تعليقات:
إرسال تعليق