هموم وسموم
ياللى نمت ونومك طال
حان الوقت اتفضل قوم
يمكن لسه الحل في ايدنا
قبل ما تبقاا الحاله هموم
العدو بان ونشاطه اتجدد
شن علينا حرب سموم
غير تقاليدنا لشعب اوروبا
ما لهوش طبعاً اى لزوم
حاذر يابنى اول شمه
هتوديك لطريق ملغوم
حقنه وبودره تصبح مدمن
بحر فساد وهتشبع عوم
فين العزه يابن الباشا
شرفك بعته فى ليله ويوم
خطف بناتنا هيبقاا هوايا
والامان هيصير معدوم
هاتو ايديكم يالا فى ايدنا
نقضى ع الخطر المشؤم
مصر بلدنا ام الدنيا
واللى يزورها يكون مكروم
ياستار احرسها وصونها
وابعد عنها هموم وسموم
ياللى نمت ونومك طال
حان الوقت اتفضل قوم
الشاعره سعاد التلوانى
ليست هناك تعليقات:
إرسال تعليق