خاطرة
انتَ راجل ؟؟انتَ راجل؟؟
طب دليلك. قولي إيه!
لما بالكدب. تواعدها
وأما تخلف طب ده ليه؟
إسطوانة و ماشي بيها
للوحيدة. و الغريبة
و إللي جوه منها طيبة
تحلف إنك فيها دايب
شاري قلبك للمشاعر
و بخداعك أنت غالب
مش مفرق بين جميلة
بنت ناس أو بنت جيرة
أو رخيصة لقيتها ليلة
بايعة ليك لحظات سعيدة
انتَ راجل؟؟
لما تلعب بالبريئة
إللي حبت فيك و دابت
خَدها حلم لقاك و تاهت
و لعذابها المُر باعت
قالت أنت حبيب و قادر
تمحي خوف و ليالي ضاعت
جوه ليل ظالم و غادر
انتَ راجل؟؟
أصحى يلا قوام و فُوق
بكره من غدرك. تدوق
يوم ف بنتك أو فى أختك
شيء يصيبك من عمايلك
أبقى إبكي. و مهما تندم
تلقى جايبة الناس ف سيرتك
بقلمي/ صفاء الخواجة من ديواني. جنون ف جنون
ليست هناك تعليقات:
إرسال تعليق