الصعب قوى فينا الإحساس
××××××××××××××××
الصعب قوى فينا الإحساس لما نشوف الطيبة فينا بتنداس
والدنيا خيرها قل ومابقاش والظلم جايلك من أقرب الناس
وسهم الغدر بيطعن فينا............ بالظهر وعرفاه كل الأجناس
ونظرة الغل والحقد والحسد ......ساكنة بالعينين وبالأنفاس
ناس بتفرح لأزماتك ولمصايبك......... وهما كانوا أعز الناس
وعزيز الناس اِتغدر بيه واُنذل........ من السفلة ومن الأوباش
وياما نشوف في دنيا المواجع .والدم فينا ينحبس اُحتباس
وقليل الأصل عمره ما عرف....... الأصل ولا خَد منه اُقتباس
والواطي طول عمره واطي ......مكتوب بالسجل وبالكراس
اِمْشِى بدنياك عِدِل يحتار عدوك فيك وتشتت فكره بالراس
والدنيا مدرسة والتلميذ...... بيتعلم الصبر فيها وهو الأساس
واُتمسك بدينك وبإيدك وسنانك ودوس ع الظالم بالمداس
والكلمة تخرج من فمك .........بالحكمة وبالمللي وبالمقاس
وعقلك في راسك تعرف........... خلاصك من غير أي إلتباس
و متنشفش دماغك في حجات عبيطة وتبقى زي الترباس
واُبعد عن شر الإنس والجن........... من الخناس والوسواس
ودوما كُن مع ربك ................تِسعد ويجيلك أحلى وناس
أديب وشاعر مهندس/ محمد عوض
ليست هناك تعليقات:
إرسال تعليق