سكون يشبهنى
.............
مقدرش أكون فارس
وأنا خايف .. !
خايف .. م المد ..
وموج البحر .. يبعدنى
عن شط هواكى ..
خايف من طول المسافات ..
تهزمنى .. !!
خايف من لحظة شوق
تألمنى .. !!
خايف من عمرى
اللى بيجرى .. يبعدنى ...
عن وقت لقاكى .. !
خايف .. قبل مايوصل شط حنينك
تتشعلق فيا سنين العمر ..
وارسم لك ..
على باب القصر ... نجوم
وأعلق لك قمرايه تنور ليلك ..
واحدف لك على شط الأشواق
مراسيلك ..
وأعزف لك ع الوتر المشدود
أغنية ... وروحى تغنى لك
خايف .. يهزمنى الخوف
يحرمنى أشوف ..
فى سماكى .. قناديلك ..
خايف .. !!
شعر ..
حسن السحماوي ..
ليست هناك تعليقات:
إرسال تعليق