دمعة
ياترى هي دمعة حزن ولافرح
ولادمعة فكرة وعلى العقل طرح
ولادمعة سؤال كيف الحبيب جرح
يمكن دمعة حزن لفراق قلب اندبح
ياترى هي دمعة ايه
دمعة بتقول كلام كتير الأذن سمعته
ولادمعة ندم على الكلام اللي صدقته
ولاهي دمعة على حب قلبي وخنته
ولا علشان القلب الطيب اللي جرحته
ياترى هي دمعة ايه
دمعة فرح لما شفتك اول لقاء
قلبي من الفرحة طار فى السماء
زي طفل صغير وانهار من البكاء
ياترى هي دمعة ايه
يمكن دمعة لما قلت لي انا ليكي
وفرحت لما قلت لي انا شاريكي
وجوا عيوني وقلبي هداريكي
ياترى هي دمعة ايه
يمكن دمعة حسرة وندم على اللي فات
دمعة كلها الم ووجع وصرخات
ولايمكن افتكرت الأسى والحسرات
ياترى هي دمعة ايه
يمكن دمعة بتشتكي لرب الورى
تتكلم وتحكى من قلبها على اللى جرى
او دمعة لفراق الأحباب اللي تحت الثرى
ياترى هي دمعة ايه
يمكن تكون دمعة غريق فى بحر الأشواق
او دمعة بتجري ورا دمعة على الفراق
زي موجة بتجري ورا موجة باشتياق
ياترى هي دمعة ايه
بقلم/
سامية محمد
ليست هناك تعليقات:
إرسال تعليق