شعر تونسي من الصميم. 24//11//2023
هجر الحبيب نار ودمار. بقلم
الشاعر التونسي عبدالله العمراني
هجر الحبيب نار ودمار
يجلب معاه أكبر مصيبة
يترك في النفس أثار
مايقدرش يزيل الخيبة
يالحباب في القلب مصمار
موجع قاتل في تركيبة
ماتنفعش معاه افكار
ولا عراف فالح في كتيبة
صعب اعلاجة تقول ازرار
ظربتها شنيعة ورهيبة
ثاخن قلبي بالأظرار
متهالك ووظاعة غريبة
عاشق زين يسحر لنظار
مفتون بيها تكون حبيبة
تملك زول من أرقى أثمار
فيه حلاوى وفيه الطيبة
جلبها ليه عالي لقدار
متمنيها. تكون نصيبة
عليها عيون ك طير لحبار
متحوفة في اللون عجيبة
وخدود جمار مع اشفار
وغثيث مرادف تصويبة
على الصدر مرخخم اسطار
تشفيه وترعاه طبيبة
قلبي منها راح أشطار
مافيه غيرها تكون حبيبة
شوفوا. معاية. بقتدار
كل مافيها حلو سهيبة
عليها يهون العمر كان طار
ماهو خسارة فيها ذهيبة
بنت أصل تزيح كل مرار
غنجتها بركة. وكسيبة
جمال يرعب والزول مسرار
انشاءالله ترضى لي حبيبة
ليست هناك تعليقات:
إرسال تعليق