إحساس جميل ..
لما القلوب تعشق تحن لبعضها
بهمس شوق العاشقين
وعيون بتهمس باشتياق
تعلن ميلاد الحب
فى عيون بعضها
الحلم يصبح فى الحقيقة
صبح بيبارك وجود
اول حدود الروح
فى شريان الأمل
ياقلب عاشق من زمن
يحلم بليل السهرانين
ونجوم تصهلل فى السما
وانت القمر . لحظة لقا
يوم اللقا .. حسيت بلحظات الهنا
واحنا هنا .. اول طريق بيدلنا
على سكة تايهة من سنين
وبنظرة من همسات عيونك يا قمر
حسيت ربيعك يكتمل
نبدر تقاوي حبنا ..
تطرح غصون نبت الحنين
لو كنت يا فجر السعادة تشدنا
وتقرب الخطوات .. وتعلن حبنا
راح اكون أنا ,, أنت وأنا
بينا وصال .. وف كل ميل خطوة تقربنا سوي .. لو كنت انت الشمس او ضي القمر .. راح اكون شمسية فاردة ضلها حب وهنا .. وشعاع فى ليلك يا قمر .. فارد بطول كل السما .. همسات حنين .. ويكون لنا وياه دليل
احساس جميل ..
.............. كلمات .. منى محمد
ليست هناك تعليقات:
إرسال تعليق