( كفايه نظره من عيونها )
عشقنا وهوينا وبالحب انكوينا
وأجمل حكاية غرام ابتدينا
بعد ماقولنا خلاص انتهينا
الدنيا رضيت تاني علينا
والفرحه عرفت طريقنا
والعيون الكحيله دوبتنا
والضحكة دامت مافرقتنا
وايامنا الحلوه رجعت لما الدنيا حبيتنا
والدموع اللي جرحت خدودنا
صبحت فرحه دايبه في قلوبنا
والهموم اللي ياما صابتنا والأحزان اللي ياما توهتنا
صبحت اماني وما فارقتنا
ورضيت علينا يازمان
بعد ماقولنا ماليكش أمان
وياحزن ودعنا وكفايه عذاب
ويافرحه تمت ويا الأحباب
حبينا خلاص وهوينا
والدنيا إحلوت في عنينا
وشموع المحبه قايده لينا
ومنوره كل ليالينا
والحلم اللي كان أماني
اتحقق وحبيبي جوه احضاني
والورد فتح في كل مكان
لما فرحنا بحبايبنا الزمان
ياحب جديد خليت الدنيا عيد
واتحققت الوعود في نفس المواعيد
الفرحه دقت ابواب قلوبنا
والحب جري خلاص في عروقنا
القمر نور لينا السما
وحبيبتي جايه ومعاها الهنا
ومن بين كل البشر حبيتها انا
يارحلة غرام ما تنتهيش
وعيون كحيله وجميله ماتتنسيش
نفسي العمر كله معاها اعيش.
وكفايه نظره من عيونها تدفيني
ولحظة حنان منها تسقيني
وليله من ليالي غرامها ترويني
خواطر (اشرف الدغيدي)
ليست هناك تعليقات:
إرسال تعليق