حليب النملة هيفيدك
حليب النملة هيفيدك وفى الأزمة ياخد بايدك
يجرى الدم فى وريدك وتبقى شباب
ولو حبيت تعمر بيت تحوط جدرانه بسكر
بجرام من زيت يكون صافى مش معكر
وميزته يقوى الهمة ويفتح ودن الصامة
ويشفى المعيون من العين ويقتل ريحة الرمة
وطريقة الحلب كالعادة وحاجة بسيطة بزيادة
تكتفها وتقرفها بفنجان بن يكون سادة
هتحلب وانتا تتكيف ودش بسيط وتتليف
وتتطهر عشان تطهر لكن لازم تكون تعرف
تكتفها ايدين ورجل وتربطها فى عود من فجل
والا تتعب معها وصعب يوم تلقها
- هترضالك
ونصيحة لاولادك وليك ببيض الديك تخلطها
وحبة من لسان عصفور هتعمل دور وحوجها
بفلفل احمر سودانى وجوزة الهند وسودانى
ومن عندى كمان تانى هدية هبقى اقولها ليك
فوائد البرارعرم وراس الشوك
- حليب النملة هيفيدك
- بقلم .. الشاعر .. محمد البلاط
ليست هناك تعليقات:
إرسال تعليق