هلال البنا في ...
أمنيات
؛؛؛ ؛؛؛ ؛؛؛ ؛؛؛ ؛؛؛
نفسي نبقا يد وحده
وتبقى فعلاً لينا وقفه
فيها حب وفيها ألفه
ولا نعملش المخالفه
نفسي وقفه في المواجع
و نتقدم من غير تراجع
الأيادي تكون حبايب
وكله ويا الحق يبايع
نفسي لما نكون في شده
نبقى واحد يد وحده
والرخاء هيعود علينا
لما يبقى الكل أحبه
ونفسي نفسي في الموده
أهلي صاحبي أخويا و أختي
ونفسي نفسي نشوف محبه
وبالمحبه زي ماترسي
نفسي نترك الخلاف
والنزاع والإختلاف
مصلحتنا تبقى عاليه
وحق واضح واعتراف
نفسي لو في أي زنقه
وفي صعوبه ودنيا صعبه
بالعزيمه تكون عظيمه
وانفراجه وتبقى رايقه
نفسي تيجي واتصالحني
ولما ابوسك بتسامحني
أناديلك واتناديلي
وانا منك وانت مني
نفسي نعمل بالنصيحه
والوحده بالحب مريحه
لما نبقى صف واحد
ولا كلمه تكون قبيحه
نفسي نبقى في كل حال
و كلنا فعلا رجال
أيي أزمه تحت جزمه
والفراق يكون محال
نفسي نبقى في العلالي
وابن بلدي عندي غالي
في اللي جاي ومهما كان
وحبنا يفضل مثالي
نفسي نبقى في الوجيعه
ويد وحده بأي صيغه
مش بنكته في الأونطه
ومن مذيع أو من مذيعه
نفسي نبقى في المقابل
و مهما كان الأمر عاجل
يبقى صبر لاجل أجر
والجميع والكل عاقل
نفسي نسمع الكلام
وفيه تأني واحترام
بالهدوء والكل يرووق
و بس برضوا مش ننام
نفسي نمشى في اتجاه
و التوكل على الله
كله ياخد بالأسباب
والإخلاص يكون لله
نفسي مره نبقى لمه
ونبقى أمه فيها همه
حيشفونا ويهابونا
ونبقى فعلا خير أمه
نفسنا انشوفك ياغاليه
تبقي فوق ورايه عاليه
والصديقه ف أي ضيقه
تبقي ويا الحق مواليه
ونبقى فعلا لينا وقفه
صف واحد يد. وحده
فينا حب وخير و ألفه
ولا نعملش المخالفه
؛؛؛؛؛؛؛؛؛؛؛؛؛ أمنيات
هلال البنا
ليست هناك تعليقات:
إرسال تعليق