حي ع الحكايات ... بقلم .. الناقد حمدى البوقى

الناقد حمدى البوقى

حي ع الحكايات
حي ع المجاريح
عروسة وعريسها
وكل ولد فارد
دراعينه عكس الريح
وكل بنية عفية
ف صوتها ديك
ادانه فصيح
حي ع الحكايات
حى ع المجاريح
ع الفقرا لما يتلموا
يبكوا ويغنوا
والسحابه مفرودة
امى قاعده تعدد
يا محلى العدودة
أما تكون ع الحلم
آه ياوجع دموعك
واهين ياليل القهر
يكونش يامايه
هما دول المهر
وان العرايس
ف الحواديت
اتزفوا للتوابيت
من غير وداع
..ولا هيصه
ياليل الهم مالك
كل يوم بتزيد؟
ودموعك يامايه
ملضومة عناقيد
حي ع الحكايات
حى ع المجاريح
بقلمي
حمدي البوقي