الدنيا خد وهات (((أسامه جديانه)))

الشاعر أسامه جديانه

وزنت نفسي بميزاني
وبطلت تنازلات
الكل قال دا قاسي
بيحلل الكلمات
اتنازلت كتير فى حقي
وقلت انسى اللي فات
وفضلت كتير مستني
يقربوا الخطوات
ياللي وديتك ودني
مش عالنت سلامات
اقابلك وتقابلني
يبان الحب فى النظرات
لما لقيتك رافضني
بعدت وفضلت السكات
مناكم ليكم اطاطي
ونعيد الذكريات
لايوم حسيت شعوري
ولا بطلت ابتسامات
كان حبي ليكم مانعني
واقول حبايب واخوات
لكن هتقل مني
وقتها اقولك سلامات
لا أعرفك ولا تعرفني
بالمثل التعاملات
اوزن نفسك واوزني
الدنيا خد وهات
(((أسامه جديانه)))