//////+++ لخروف +++///////////+++ بقلم صقر الحروف الزجال بوسبولة المحجوب +++////

Mhjoub Jazal

//////+++ لخروف +++//////
خادتني عينيي لداك لخروف
داتني الشوفة لسرار لحروف

وانا عشاق غير بالشوفة
نسرقها واخة مخطوفة
سولت مولاه منين هذا الخير
كلمني وفيديه حفنة شعير
جاوبني من ابني مسكين
صردي ومعمر هذا العين
علف غيرفول ودرة لحم وشحمة
اشعير ومكانو ظل كلو نعمة
شلى كلام وحديث دار بينا
قلة لمطار وشلى نسينا
وتفاهمنا ف السومة بزوج
والناس تبارك فوج وفوج
خلصتو خديت طريقي مشيت
وانا بخروفي راني رضيت
//////+++ بقلم صقر الحروف الزجال بوسبولة المحجوب +++//////