( وعجبي علي امورك يادنيا )

Ashraf Eldghedy

( وعجبي علي امورك يادنيا )
وعجبي علي امورك يادنيا
رغم انك دنيا فانيه
ومشوارك بيخلص في ثانيه

الا انك يا دنيا فيكي ناس كتيره حلوه
شوفناهم فيكي صدفه وصبحوا لينا غنوه
وزادوا في المحبه لما كانوا للوفا معني
طول الطريق كانوا شمعتنا
ولما فارقونا خدوا معاهم فرحتنا
وماتت جوانا ضحكتنا
وفيكي ناس انكتبوا علينا طول رحلتنا
حياتنا معاهم صعبه ودايماً سبب دمعتنا
نتمني يادنيا فرقتهم
يمكن ننسي سيرتهم
وعجيبه يادنيا دايماً بينا غداره
بتظلمينا وفكراها.منك شطاره
مستخسره فينا اللي بيداوي جراحنا
وسايبه لينا اللي مكرهنا في مطرحنا
واللي حبيناهم ودعناهم غصب عنا وفارقونا
واللي انكتبوا علينا غصب عنا مش عايزين يسيبونا
خواطر (اشرف الدغيدي )
حقوق الملكية محفوظة

٣