بحلم ... بقلم .. فيفى الجندى

بحلم ارجع ليالينا الحلوه
وصوت البنت في البدريه
ولمه اهلي علي الطبليه
وزغرودة ام بدويه
ونقش الكعك في الصينيه
وصلاة الفجر والأدعيه
وحكاوي جدتي والعديه
وجدي والمشربيه
وحلاوة اليوم للمغربيه
والذكر والقرآن للفجريه
بحلم بصوت يصحيني
يدفيني يعديني
يصحي الحب في عيوني
بحلم بوردي يهمسلي
يعطرني يغير صوتي واغني
بحلم بورقه وقلم جاف
اكتب عني احلي كتاب
اكتب عن حبي وشقاوتي
عن حلمي واطمئنان قلبي
بحلم بالقمر ينورلي سكتي
يكلمني ونجوم السما تسمعني
اشكي لموجي يحضرني
يكون معايا يوشوشني
يصاحبني يسليني
يكون سابق خطوتي
يفرحني يبشرني
اكون مختلفه عن عصري
بحلم يكون ايامي ربيع
من غير شتا ولاصيف
وريحة جونا ياسمين
..........
فيفي الجندي

أعجبني

تعليق

مشاركة