زجل قصيد قصير
ياااا ريت فينا نلتقي ياااريت
ملقى حبيب ومشتهي القبلة
ولما الخصر ضمِّيت عالسكيت
هاج النحل من عروة البكلة
هاج ولسع يا زين لسعاتو
وجوَّات قلبي حطّ غلاتو
يمكن بدال الدم عم يجري
فيني نهر من طيب عسلاتو
عايش كأني بْحالة النكران
وغرقان بالعسلات متهني
يمكن أنا سكران مش دريان
ويمكن حلم هربان مستني
وضليت عايش عا أمل بتعود
دندن على نفس الوتر والعود
قالت شو نفع العود والطبلة
وكبريت حبك شعَّل البارود
يسعد مساكم حبايب القلب
(
فراس النبهان)
فراس النبهان)
ليست هناك تعليقات:
إرسال تعليق