خاطرة بقلم ... حنان حلمي
بيحسدوني علي
ايه وانا كدابة
بخبي حزني وهمي
مع أنه بزيادة
تعالوا يالي حاسدني
وعيشوا مكاني
بتحسدوني علي
الشقي والدوخة
والجري علي اخر
نفس والتوهة
ومطالبتي بالكدب
ورسم الابتسامة
وبيحسدوا فيا
ويقولوا عليه ضحكة
اصلها مبسوطة
و سعيده قوي مرتاحة
تعرفوا ايه عن العيشة
الي انا عيشاها
دوقت الحرمان
بكل أنواعه وصوره
ولا بشتكي غير
لربي هو العالم وحده
بداريي همي وتعبي
وألمي وشقايا
دي كلمة الحسد تمرض
وتفقد بسببها الأحبة
ياريت نصون اللسان
والعين ونحمي الي نحبه
وبرفض دموعي تنزل
وادريها بضحكة كدابة
يالي بتحسدوا مهما تحسدو
هضحك ضحكة كدابة
اداري بيها كل الوجع
والألم الي جوايا
بتحسدوني علي ايه وانا كدابة
كفاية حسد ياناس يا حسادة
ليست هناك تعليقات:
إرسال تعليق