( مسحراتي رمضان)
الحلقة الرابعة......
حكاوي حكاوي و لا تخلص
على صوت مشطي و ضرب مقص..
زبايني أطفال و كبار
مرحب مرحب بالزوار
على أحدث صيحة و على الموضة..
مين ف الجامعة و مين ف الروضة..
سلو صيامكم ف دكاني..
بخدم من قلبي و كياني..
و بشغل على طول قراني..
سميع لكل الشيوخ
أخصاءي ضبط نافوخ
و دا عايز ماسك..و دا سشوار
باتفنن و بقول أشعار
طالب فتلة و طالب عطور
ياخدو رأي ف أي أمور
و الصايمين قبل الفطار
بحكيلهم كل الأخبار
قصص الصالحين و الأخيار
يا مسحراتي و النبي تيجي
و دق لي على باب الدار
كلامك جد مالوش هزار
اصحو لدينكم بقى يا حبايب..
ف الآخرة يبقى لكم نايب..
مش ناقصين أي مصايب..
تايب في رمضان تايب..
و لا عمري على حد أعايب ..
لو موجود أو كان غايب..
رمضان خيره يملا زكايب..
حكاوي حكاوي و لا تخلص
على صوت مشطي و ضرب مقص..
......
و رمضاااااان كريييييم
ليست هناك تعليقات:
إرسال تعليق