متسوله طول عمري يازمن بشحت الحنيه ...
عشت الصبر والقسوه من اقرب الناس لقلبي..
فضلت احكي لهم واشكي واقول عاوزه مراعيه ...
ضغطوا عليا ووجعوني وايه بس مشكلتهم معايا انا ليه ضحيه
مرت عليا السنين وسافرت وف الدنيا عانيت ...
قابلت ناس طيبه واغراب طبطبوا عليا .
وناس قطعوا فيا وكملوا ع اللي باقي والنهارده منسيه
صرخت ياعالم حرام عليكم ياولادي ضموني طبطبوا انا ف ختام حياتي كفايا ظلم فيا
وليه متاع الدنيا اختياركم ... ليه كونتم ببعادكم وذقوتوني مراركم ...
الصبر باب مفتاحه ف بحر الهموم غرق .. والسفينه مشيت بعيد ..
يااولادي يااهلي قبل فوات الاوان اصحوا والحقوا من الدنيا خير ف عمالكم
ده الدمع ذود منسوب المحيط والبحر فاض بعذابكم
يارب فين الود فين الرحمه ...
انعدمت من القلوب والا احنا ملناش نصيب ف زمن الجحود
خلينا نرحل بقا مادمنا للقاءهم مش مكتوب
واكتب ياتاريخ حكايه ام عاشت وماتت دمعتها ماهزت قلوب
وانسخ ف كل حته وجعها واتعامل بايموشن دموع وعياط
وان حد قالك فين الست دي قولهم الفاتحه ع روحها
كانت بتصرخ من جروحها .. ومحدش رحم أنينها
ذبحوها بسكين صداها خلع نبضها من روحها
والبقاء لله وحده ... وربنا يعوضها ف الاخره
...... رساله منها وأن ماعرفتوها يبقا عليه العوض ومنه العوض ..
.... افتكروا كده لحظه حلوه يمكن تحسوا وجعها ..
........ زمن من غير طيبه ياالف مليون حسره
...... والله كانت وقفتها قدامكم والنهارده اختارت
.......تبص عليكم من بعيد وتبقي ف اخر صفوفها
ليست هناك تعليقات:
إرسال تعليق