شهيد البطولة إنت فين يا ولدى
غيابك طال المره دى
أنا راجع جايب لك هدية
وهدية غالية مش عادى
لو تقول إيه بس أخرك
قلبى وكلنى عليك معرفش ليه ياولدى
كلمنى كل يوم صوتك بيطمنى
وسلام لك من أبوك فى انتظارك ياولدى
غيابك طال ياولدى
إياك تكون نسيتنا
هو الجيش حبيبك عاد
ولا إنت ناوى تقلقنا
حسدوك على ياولدى
ياحتة من قلبى
قالولى إبنك شجاع
بيدافع عن بلدى
يارب هون بالأيام دى
وتعاود لأهلك وناسك
مش عايزه منك هدية
وأشوف بس مداسك
قتلوك وغدروا بيك
ورجعت لأهلك وناسك
رجعت شهيد ياولدى
وكنت الهدية بزاتك
ياحرقت قلبى عليك يا ولدى
بس الهدية إستشهادك
ضحيت بيك لمصر
ومصر دايما ولادة
فخورة بيك يا ولدى
لما نولت الشهادة
والخاين الإرهابى
حسابه يوم القيامة
منى العشرى
ليست هناك تعليقات:
إرسال تعليق