يا مركبي
يا مركبي ياطيبه
أو يا للي كنت طيبة
آن الأوان أسأل يا مركب عل كان
آن الأوان أخاف وأدور عل الأمان
أن الأوان أشك فيكي
وف سكتك
أنكر وأداري محبتك
ومش حقضي العمر أعاني
على فين يا مركب رايحه تاني
على فين يا مركب موديا ني
فيكي الشراع هزه الزمان
والدفة في أيدين اللي خان
يا مركبي فين الحنان
فين الأمان
اللي كان بيني وبينك
مرسوم يا مركب فوق جبينك
ومتخططة فوقه الوعود
جواه وجود
الحلم كانت بسمته
وكل الأماني ف رسمته
والجود في روحه ونسمته
ووعوده لينا كات من نصيبه وقسمته
كات همته في انه يجود
يبني حياه
من غير حواجز أو سدود
فيه حلم بكره اللي أتبنى
فوق أرض مفروشة بورود
يا مركبي يا طيبة
أو يا للي كنت طيبة
خلص الطريق
وماعدش باقي في سكتك غير ألف ضيق
أصل الصديق فات الصديق
أصل الرفيق فات الرفيق
والبحر ما بيرحم غريق
والريح بتعصف
والبر منك ضاع وتاه
كان قلبي صادق وإنكوى
وماعدش لاقي طوق نجاه
ماعدش باقي غير دموع
والقلوع ويا الضلوع
دوبها وش البحر الأسود
وانت يامركب من سنين
مكتوب في رسمك كلمتين
الصبر زادكم في الطريق والحب لو خان الصديق
خالد موسى
ليست هناك تعليقات:
إرسال تعليق